Ambasadori i BE në Tiranë, Luigi Soreca, ka reaguar në lidhje me me ndryshimet në qeveri dhe betimi i ministrave të rinj të qeverisë “Rama”.
Ambasadori përmes një postimi në Twitter uron ministrat të cilët këtë të enjte bënë betimin te presidenti Ilir Meta për marrjen e detyrës në një moment kyç, sipas tij, për të ardhmen e Shqipërisë drejt BE-së.
“Urime anëtarëve të rinj të kabinetit që u betuan sot para Presidentit Meta. Ata marrin detyrën në një moment të rëndësishëm për të ardhmen evropiane të Shqipërisë në rrugën drejt BE-së. Mirëpres të punoj me të gjithë!”
