Kuvendi miratoi të enjten me nga 97 vota pro dy ministrat e rinj, Bledi Çuçi dhe Milva Ekonomi.
Pas miratimit që morën dje në seancën plenare, Çuçi dhe Ekonomi kanë mbërritur këtë të premte në Presidencë, ku u betuan dhe morën zyrtarisht detyrën. Ata u shoqëruan në Presidencë nga Engjell Agaçi, Sekretar i Përgjithshëm i Kryeministrisë.
Këto lëvizje erdhën pas dorëheqjes së Sandër Lleshajt nga detyra e ministrit të brendshëm pas vrasjes së 25-vjeçarit Klodian Rasha nga një efektiv policie.