Një minator humbi sot jetën, në një nga galeritë e minierës së Bulqizës.
Ngjarja ndodhi në një subjekt minerar në zonën “d”, ndërsa viktimë mbeti 52 vjeçari Sazan Deda.
Ai ishte duke punuar në thellësi të minierës kur një masiv gurësh u shemb dhe e zuri poshtë. Për pasojë minatori ndërroi jetë në vend.
Autoriteti kombëtar për sigurinë dhe emergjencat në miniera nisi hetimet për të zbardhur plotësisht rrethanat e ngjarjes.
