Milanin e nderon Diaz, fiton sfidën e parë kundër Sampdorias

Milan e nisi kampionatin e ri, ashtu sikurse mbylli të vjetrin, duke fituar. Kuqezinjtë mposhtën Sampdorian 1 me 0 në takimin përmbyllës të javës së parë të “Serisë A”. Një ndeshje e bukur e transmetuar në Tring, me emocione, e vendosur nga një gol i shënuar në minutën  9 nga Brahim Diaz. Pavarësisht mungesave me peshë si Ibrahimovic dhe Kessi, dhe nisjes nga stoli të Benaser, Milan tregoi vazhdimësi në raport me formën e edicionit të kaluar, duke dhënë sinjale se do të jetë një kockë e fortë për rivalët, veçanërisht Juventus dhe Inter. Që në start ndeshje në Luigji Ferraris tregoi se do të kishte intesitet të larte me rreziksheri në të dyja portat. Sidomos nga kuqezinjtë që falë Tonali , Leao dhe sidomos Brahim Diaz ishin kërcënues që në start. Audero bëri në superpritje ndaj Leaos në fillim, por pa kaluar pak minuta ai bëhet protagonist këtë herë negativ për skuadrën e tij pasi nuk arrin të kontrolloje si duhet një gjuajte të Brahim Diaz. Avantazhi I miqve, e bën Sampdorian të reagojë, veçanërisht duke sulmuar krahun e Teo Hernandez që ndodhet në një mbrëmje të errët. Kandreva fillimisht kërcënoi me një gjuajtje që shkoi jashtë, ndërsa më pas Gabiadini goditi traversën, gjuajtje e cila u devijua mrekullisht nga portiere Menjon, blerja e verës e Milanit që bëri një ndeshje shumë pozitive. Ishte pikërisht gardiani francez që në pjesën e dytë bëri pritjen më të rëndësishme ndaj Gabiadinit në minutën e 52. Më pas Milan në tërësi kontrolloi ndeshjen duke ia dalë ta nisa mbarë kampionatin, me shpresën së ditet e fundit Pioli do të marrë të tjera dhurata nga Paolo Maldini në merkatos, për ta përforcuar edhe më shumë ekipin.