Milan me “dy fytyra”, barazon 2-2 me Interin (golat)
Ndahet në barazim “derbi i parë aziatik” mes dy skuadrave të Milanos. Klubi kuq e zi ka bërë një përmbysje të pabesueshme nga 2-0 në pjesën e parë në 2-2 në minutat e fundit.
Të parët që rrezikuan ishin futbollistët e Milanit që rrezikuan portën zikaltër me anë të Deulofeut dhe Baccas, por gjeti të përgatitur portierin Handanovic.
Interi menjëherë u kundërpërgjigj me Icardin që gjuajti për pak mbi portë, kurse loja ishte intensive me shumë aksione dhe kundërsulme, ku Milani regjistroi gjashtë goditje për pak minuta. por në minutën e 32 një pasim perfekt i Gagliardinit do të shëndrrohej në gol nga Antonio Candrevan. Në fund të 45 minutave të para ishte Perisic i cili pas një depërtimi në krahun e tij, arriti të gjente në pozitë të mrekullueshme Icardin, që realizoi golin e dytë të ndeshjes.
Por pjesa e dytë do të kishte një “fytyrë tjetër”. Kuq e zinjtë mbajnë deri në fund në presion rivalët, duke krijuar herë pas here edhe boshllëqe në prapavijë. Por në minutën e 84 Alessio Romagnoli realizoi Milanin duke i çuar shifrat në 2-1 dhe duke rihapur takimin.
Kur të gjithë menduan se gjithçka ishte e përfunduar në skenë u shfaq Cristian Zapata, i cili shfrytëzoi një gabim nga Handanovic për të realizuar në sekondën e fundit golin qe vulosi shifrat ne 2-2. Milani vazhdon të mbetet mbi Interin në tabelë dhe mban të gjalla shanset për kupën UEFA.
