Milan i pamposhtur në Itali/ Zlatan Ibrahimovic sërish vendimtar

Milani vijon rezultatet pozitive në kampionat teksa mbrëmjen e të dielës regjistroi fitoren e radhës përballë një kundërshtari të vështirë si Napoli. Pa Piolin në krye të pankinës, kuqezinjtë ia dolën të triumfojnë me rezultatin 3-1 në transfertë.

I përhershmi Zlatan Ibrahimovic , ishte sërish vendimtar teksa tundi portën kundërshtare dy herë. Sulmuesi suedez zhbllokoi sfidën në minutën e 20-të kur me një goditje të shkëlqyer me kokë, kaloi në avantazh skuadrën. Nga ana tjetër napoletanët provuan disa herë të vendosnin  baraspeshën por u treguan ta pasaktë para portës. Në fraksionin e dytë të lojës, suedezi shënoi dhe një gol tjetër, duke konfirmuar kështu dhe formën e mirë që po kalon.

Nga ana tjetër  napolitanët nuk u dorëzuan, Mertens ngushtoi diferencat dhe rihapi dhe një herë takimin . Megjithatë kartoni i kuq i  Bakajokës, i dha mundësinë Milanit të administronte më mirë lojën për minutat e mbetura. Në fund talenti Hauge vulosi dhe suksesin përfundimtar të sfidës me rezultatin 3-1. Një fitore kjo që e mban Milanin në vendin e parë me 20 pikë , 2 më pak se Sassuolo e vendit të dytë dhe 3 nga Roma e vendit të