Milani siguroi kualifikimin në fazën tjetër të Evropa League, pasi mundi 3 me 0 në San Siro në ndeshjen e parë të play off francezët e Ren.
Ndeshje pa histori në fakt në Milano, me të zotët e shtëpisë të cilët dominuan ndeshjen dhe dëfryen tifozët e pranishëm në stadium. Heroi i ndeshjes për kuqezinjtë ishte britaniku Loftus Cik. Ai zhbllokoi shifrat në minutën e 32 me anë të një gjuajtje me kokë. Të njëjtën mesfushori e përsëriti në fillim të pjesës së dytë duke i dhënë vendasve qetësinë e duhur. 6 minuta më vonë ishte radha e Leaos, pas një kombinimi të zakonshëm me Teo Hernandez për të shënuar golin e tretë dhe të fundit. Ndeshja e kthimit në Francë do të luhet më 22 shkurt.
Roma, një tjetër skuadër italiane barazoi 1 me 1 me Fejenord në transfertën holandeze në ndeshjen e parë të play off për Evropa League. Vendasit kaluan në avantazh në fundin e pjesës së parë me anë të Paixaos, mirëpo për të ekuilibruar rezultatin mendoi Lukaku i cili në minutën e 67 shënoi për verdhekuqtë, të cilët janë të favorizuar për tu kualifikuar për shkak se ndeshjen e kthimit e luajnë në shtëpi.
Në sfidat e tjera ra ë sy barazimi 2 me 2 mes Shaktar dhe Olimpik Marseje, me ukrainasit që e shënuan golin e fundit në minutën 3 shtese të takimit. Në Turqi Gallatasarai shënoi gjithashtu në shtese me Ikardin për të fituar 3 me 2 takimin e parë ndaj Spartës së Pragës. Sportingu i Lisbonës fitoi 3 me 1 n ë Zvicër ndaj Jang Boys , ndërsa në Lisbone, Benfica mundi 2 me 1 francezët e Tuluz. Surpriza më e madhe erdhi pikërisht nga Portugalia, aty ku Braga u mund 4 me 2 nga azerët e Karabak duke komplikuar ndjeshëm kualifikimin.
