Moti i nxehte shton problemet dhe urgjencat mjekësore. Vetëm tre ditët e fundit qe shënuan edhe pikun e vapës, 1500 telefonata nga Tirana kane kërkuar ndihmën e urgjencës. 140 qytetare janë transportuar per ne spital.
Drejtori i Qendrës Kombëtare te Urgjencës, Skender Brataj, tregon se dita me problematike ka qene 27 qershori me rreth 100 misione shpëtimi. Deri tani, nga i nxehti nuk janë shënuar viktima.
Mjeket rekomandojnë shmangien e daljeve ne diell nga ora 11:00 e paradites deri ne orën 17:00, ndërsa japin këshilla për personat qe vuajnë nga tensioni apo ata qe pësojnë goditje nga dielli ne rruge.
Aktualisht për qytetin e Tiranës janë 7 ambulanca me ekipin shoqërues te mjekeve qe japin ndihmën e pare për çdo urgjence mjekësore.
