Më shumë se 100 mijë protestues janë mbledhur në Meburn të Australisë kundër ndryshimeve klimatike. Pjesa më e madhe e tubuesve janë nxënës e të rinj.
Marshimi për ndryshimin e klimës në planet, e shkaktuar nga gazrat atmosferikë po udhëhiqet nga 16 vjeçarja Greta Thunberg. Në mbështetje të kauzës së saj janë dhe grupe humanitare, organizata mjedisore e civilë.
Edhe në Europë e SHBA aktivistë në mbrotje të mjedisit po protestojnë kundër ndryshimeve klimatike.
Protestuesit janë mbledhur në Londër e Paris këtë të premte, në atë që pritet të jetë demostrate më e madhe në mbrojtje të mjedisit në historinë e planetit. Në Neë York 1.1 milion studentë kanë marrë leje nga shkollat e tyre për të dalë në rrugë.
Protestuesit po i bëjnë presion politikanve për të marrë masa emergjente në mbrojtje të mjedisit.
Klima në tokë ka ndryshuar vazhdimisht. Shkencëtarët janë të shqetësuar se një luhatje e tillë po shkakton një ngrohje të shpejtë, e shkaktuar nga njeriu me industrinë gjithnjë e në zhvillim.
Ndërsa të dhënat satelitore flasin për një rritje mesatare në nivel global të detit, me 3 milimetra në vit, e shkaktuar jo vetëm nga shkrirja e akullnajave por edhe nga zgjerimi termik i ujërave.
Efektet e një klime në ndryshim ndikojnë në ekosistem, që nga bimët e kafshët e deri tek njeriu.
