Nga të gjitha skajet e Greqisë janë mbledhur sot në Athinë në sheshin përpara parlamentit qindra mijëra qytetarë në tubimin masiv kundër emrit të Maqedonisë.
Me moton “Maqedonia është greke”,protestuesit kundërshtojnë çdo lloj përdorimi të termit Maqedoni në emrin e ri që pritet të vendoset pas negociatave intensive mes Athinës dhe Shkupit zyrtar.
Të parët që mbërritën para parlamentit ishin qytetarët nga Kreta dhe Selaniku. Në drekë, protesta pritët të shënojë kulmin me fjalimet që pritet të mbajnë figura të njohura, mes tyre dhe kompozitori grek 87-vjeçar Mikis Theodhorakis, shtëpia e të cilit u sulmua dje nga persona të panjohur.
Fjalim do të mbajnë gjithashtu dhe përfaqësues të Sinodit të Shenjtë, të cilët janë shprehur kundër përdorimit të termit Maqedoni.
Për tubimin e sotëm është përgatitur një flamur grek me përmasa shumë të mëdha.
Në të gjitha rrugët e Athinës shiten flamuj të Greqisë me emblemë të Bizantit. Policia ka marrë masat ndërsa në shesh do të jenë 19 mijë forca.
Deri më tani janë organizuar mbi 2500 autobusë nga gjithë vendi. Stacionet kryesore të metrosë do të jenë të mbyllura gjithashtu dhe rrugët kryesore për automjetet. Kryetari i Komisionit Organizativ është shprehur se pritet që numri i protestuesve t jetë mbi 1.5 milionë.
