Microsoft mbyll sistemin operativ “Windows Phone”

Windows Phone 8.1 do të jetë sistemi operativ i fundit me emrin “Windows Phone”, i cili zyrtarisht ‘vdes’, ka konfirmuar Microsoft.

Microsoft nuk do të ndalojë mbështetjen e tyre për këtë sistem operativ mobil, por nuk do të bëjë më përditësime, që do të thotë se ashtu siç është edhe do të mbesë.

Microsoft ka thënë se mbetet i përkushtuar për të mbështetur sistemin operativ mobil, Windows 10, por prapë këta smartfonët me këtë sistem do të lihen në ‘baltë’.

Ndërsa janë shtuar spekulimet se Windows është duke punuar në një sistem të ri operativ për mobil, të ashtuquajtur Surface Phone, shkruan Sovrani, por është e vështirë të parashikohet sesi do të pritet ai duke marr parasysh dominimin e Apple iOS e Androidit.