Presidenti Ilir Meta deklaroi këtë të enjte se kauza e tij kundër mazhorancës është përqafuar nga të gjithë. Në një postim në “Facebook”, ai tha se tubimit të 2 marsit i është bashkuar edhe Bujar Kapexhiu.
“Në betejën tonë të pandalshme për mbrojtjen e Kushtetutës dhe të Shqipërisë sonë të dashur, na janë bashkuar edhe shumë personalitete të nderuara të artit dhe kulturës shqiptare, si Bujar Kapexhiu, regjisor, skenarist, aktor i mirënjohur dhe satirist, gjithmonë në shërbim demokracisë dhe fjalës së lirë. Mirënjohje dhe falënderim të veçantë kam sot edhe për mijëra qytetarë dhe intelektualë të Tiranës që kanë përqafuar PRANVERËN KUQEZI. Jam i lumtur se ZËRI I POPULLIT, me intelektualët në krye, po dëgjohet fort në të gjithë Shqipërinë, dhe kudo ku ka shqiptarë në të gjithë botën demokratike. ??”
