Presidenti i Republikës Ilir Meta ka uruar të gjithë besimtarët bektashinj, me rastën e festës së Sulltan Novruzit.
Përmes një statusi në rrjetin social Facebook, kreu i shtetit shkruan se se në këtë ditë që simbolizon lindjen e shpresës, rigjallërimin e natyrës uroj mbarësi gjithë popullit shqiptar dhe në veçanti besimtarëve bektashianë.
“Të dashur miq,
Në këtë ditë feste dhe optimizmi pranveror, që simbolizon lindjen e shpresës, rigjallërimin e natyrës dhe përkon me lindjen e Imam Aliut, dua t’i uroj mbarë popullit shqiptar dhe në veçanti besimtarëve bektashianë kudo ndodhen: Gëzuar Festën e Sulltan Novruzit!
Shëndet dhe mbarësi paçi gjithmonë në familjet tuaja! Zoti e bekoftë Shqipërinë dhe kombin shqiptar!”
