Presidenti Ilir Meta i dërgoi mesazh urimi presidentit të Turqisë Recep Tayyip Erdogan, i cili u shpall fitues në zgjedhjet Parlamentare.
“Përfitoj nga rasti të shpreh mirënjohjen e thellë për ndihmën dhe mbështetjen e pakursyer që Ju dhe Turqia i keni dhënë Shqipërisë dhe shqiptarëve ndër vite. Shqiptarët janë mirënjohës dhe do të jenë solidarë me Ju dhe popullin mik turk në luftën kundër terrorizmit dhe ekstremizmit të dhunshëm që kërcënon paqen dhe stabilitetin e Turqisë.”
Ndër të tjera në këtë mesazh urimi theksohet se pritet që marrëdhëniet historike e tradicionalisht miqësore e vëllazërore midis dy vendeve e dy popujve tanë, do të forcohen edhe më shumë.
