Meta, thirrje Sorecës: Përqendrohu në Elbasan! Bashkëpuno me opozitën kundër incidenteve!

Presidenti Ilir Meta pati një bisedë telefonike me ambasadorin e BE, Luigi Soreca, të cilit i kërkoi të ketë një vëmendje të shtuar në Elbasan, për të shmangur çdo incident.

Diçka të tillë e bëri të ditur vetë kreu i shtetit në një deklaratë për mediat nga Elbasani.

“U njoftova për nja dy probleme teknike. Do të njoftojmë KQZ për të marrë masa. Folëm në telefon me ambasadorin e BE, Soreca, dhe i kërkova të përqendrohet edhe më shumë për të vëzhguar procesin dhe për të bashkëpunuar me përfaqësuesit e opozitës për të parandaluar çdo incident që mund të prishë procesin në Elbasan. Arsye kemi duke ju referuar ngjarjes së ndodhur disa ditë më parë.”