Pas njoftoi mbështetjen e tij në një hetim ndërkombëtar për shembjen e godinës së Teatrit Kombëtar, ka reaguar sërish presidenti Ilir Meta.
Krahas një fotoje të publikuar nga protesta e së dielës, kreu i shtetit ka publikuar një mesazh në “Facebook”, ku iu drejtohet protestuesve të thirrur nga Aleanca për Mbrojtjen e Teatrit që mos të provokohen nga talebanët.
“Rinia e Shqipërisë, pasuria jonë më e madhe! Mos u provokoni nga Talebanët! Demokracia do Triumfojë! Me qetësi dhe dashuri për Shqipërinë!”, shkruan Meta.
Pak më herët, Presidenti doli në mbështetje të Aleancës për Mbrojtjen e Teatrit dhe u shpreh se është i gatshëm që të bashkëpunojë në një hetim ndërkombëtar për shembjen e godinës së Teatrit Kombëtar, të cilën e konsideroi antikushtetues, të paligjshëm dhe antieuropiane.
