Presidenti Meta dënoi me ashpërsi sulmin me armë të kryer ndaj banesës së prindërve të gazetares së investigative, Klodiana Lala.
Përmes një bisede telefonike që pati me gazetarën Klodiana Lala, Meta shprehu solidaritet të plotë për të, dy vajzat e saj të mitura dhe prindërit e saj.
Presidenti Meta e inkurajoi Klodiana Lalen të vijojë misionin e saj, pa u trembur dhe shantazhuar nga askush.
“Po kështu inkurajoj organet e sundimit të ligjit të hetojnë në mënyrë të plotë dhe shteruese, këtë ngjarje të rëndë, e të venë para ligjit këdo që qëndron pas saj. Liria e medias është kusht i pazëvendësueshëm për garantimin e të drejtave të njeriut në një shoqëri demokratike”.
