Kryetari i kuvendit Ilir Meta, gjatë takimit me bashkëraporterët e Komisionit të Monitorimit të Asamblesë Parlamentare të Këshillit të Evropës, u shpreh se duhet punuar më tej për zbatimin pa vonesa të reformës në drejtësi. Për Metën, fokusi duhet përqendruar në krijimin e një klime sa më bashkëpunuese dhe konsensuale politike, në funksion të avancimit me axhendën e reformave kyçe për integrimin evropian të Shqipërisë. Kryeparlamentari, theksoi se vendi ka nevojë për progres në kryerjen e reformës zgjedhore në kohë, ndërkohë që të gjitha palët duhet të reflektojnë një angazhim më të përgjegjshëm politik, me qëllim garantimin e standardeve.
