Vizitën e parë zyrtare jashtë vendit, Presidenti i Republikës Ilir Meta po e zhvillon në Itali, ku u takua nga homologu Sexhio Mattarella. Gjatë takimit, të dy presidentët theksuan nevojën për rritjen e bashkëveprimit për të luftuar krimin e organizuar, terrorizmin dhe trafikun e narkotikëve si rrezik jo vetëm për Shqipërinë e Italinë, por edhe për Evropën.
Kreu i shtetit shqiptar vuri theksin tek arritjen e marrëveshjes me autoritetet italiane në fushën e sigurimeve shoqërore për shqiptarët që jetojnë në Itali. Presidenti Mattarella siguroi presidentin Meta për vijimin e mbështetjes së Italisë në procesin e integrimit europian. Ai nënvizoi se: “Shqipëria është shumë e rëndësishme për stabilitetin dhe sigurinë e Ballkanit dhe përcaktuese me rolin konstruktiv që ajo luan”.