Presidenti Ilir Meta priti në një takim këtë të martë ministrin e Jashtëm grek, Nikos Dendias. Gjatë takimit, Meta i bëri të qartë ministrit grek se negociatat për marrëveshjen e detit duhet të jenë të sinqerta e të sigurojnë një produkt të përhershëm dhe të qëndrueshëm në fund.
“Marrëveshja për këtë çështje të rëndësishme duhet të jetë në përputhje me Konventën e Kombeve të Bashkuara mbi Ligjin e Detit, me legjislacionin e të dy vendeve dhe Vendimin e Gjykatës Kushtetuese të Republikës së Shqipërisë.”
Gjithashtu, kreu i shtetit vlerësoi marrëdhëniet Shqipëri-Greqi dhe falenderoi fqinjët për mbështetjen e dhënë për procesin e integrimit.
