Në një kohë kur Kosova është në krizë politike, presidenti Ilir Meta takoi këtë të mërkurë kandidatin e PDK për kryeministër, Enver Hoxhaj.
Kreu i shtetit tha se në këto ditë të vështira duhet të jemi të bashkuar.
“Kënaqësi të prisja sot në një takim, Kryetarin në detyrë të Partisë Demokratike të Kosovës, z.Enver Hoxhaj dhe delegacionin, që e shoqëronte. Kosovën dhe të gjithë shqiptarët në rajon i presin sfida të reja dhe jo të lehta, në Vitin e Ri, që po vjen. Duhet të jemi në unitet, të kujdesshëm dhe të tregojmë mençuri në qëndrimet tona për të forcuar sa më shumë bashkëpunimin në të gjitha fushat, në të mirë të interesit kombëtar, progresit, begatisë dhe së ardhmes sonë të përbashkët europiane 🇦🇱❤️🇽🇰”, tha Ilir Meta në “Facebook”.
