Presidenti Ilir Meta, në kuadër të vizitës së tij zyrtare në Hungari, zhvilloi një takim me kryeministrin e hungarisë, Viktor Orbán.
Meta i shprehu mirënjohjen kryeministrit Orbán për mbështetjen domethënëse dhe pa rezerva, që i ka dhënë Shqipërisë për çeljen e negociatave të anëtarësimit me Bashkimin Europian.
Orbán, duke shprehur gatishmërinë për nxitjen dhe rritjen e investimeve hungareze në të gjitha fushat ku Shqipëria ka interes, e siguroi presidentin Meta për mbështetjen e vazhdueshme dhe të palëkundur të qeverisë së tij për Shqipërinë dhe shqiptarët.
