Meta takohet me kryeministrin Haradinaj në New York

Presidenti i republikës Ilir Meta është takuar në New York me kryeministrin e Kosovës Ramush Haradinaj.

“Pata kënaqësinë të takohesha në New York me kryeministrin e Kosovës, Ramush Haradinaj, pas kthimit të tij nga Uashingtoni dhe para nisjes së tij në Kosovë”, ka shkruar presidenti ne Facebook.

Ndërsa Haradinaj ka theksuar se gjatë bisedës u konfirmua vendosmëria e dy vendeve për ta çuar përpara axhendën euroatlantike. Kreu i qeverisë së Kosovës gjatë takimit ka theksuar se Kosova dhe Shqipëria janë në të njëjtin kurs të përcaktimit euro-atlantik dhe miqësisë së përhershme me Amerikën.

Gjatë takimit të dy liderët rikonfirmuan se vendosmëria e Shqipërisë dhe Kosovës për te çuar përpara reformat, mbetet e palëkundur.