Kreu i kuvendit Ilir Meta ka bere serish apel nga Shtetet e Bashkuara per miratimin sa me pare te reformës ne drejtësi, ndërsa ka shprehur gatishmërinë e LSI për ta realizuar këtë reforme. Qëndrimet e tij, kryeparlamenti ia ka bere te ditura edhe ndihmës-asistentit te Prokurorit te përgjithshëm amerikan, te cilin e falënderoi edhe per mbështetjen e pakursyer te Uashingtonit ne këtë reforme.
Ndërsa zyrtari i larte nga departamenti i drejtësisë shprehu gatishmërinë amerikane per t’i qëndruar prane me ekspertize palës shqiptare, sidomos ne rastin e krijimit te Byrosë Kombëtare te Hetimit.
Sipas tij, Uashingtoni po ndjek me vëmendje te veçante zhvillimet ne Shqipëri, qe kane te bejne me reformën ne drejtësi. Meta diskutoi me zyrtarin amerikan edhe per bashkëpunimin mes dy vendeve ne luftën kundër terrorizmit dhe krimit te organizuar, si edhe per krizën e refugjateve.
