Kryetari i kuvendit, njëherësh president i zgjedhur, Ilir Meta ka deklaruar se zhvillimi demokratik, ekonomik e social i Shqipërisë nuk duhet të cenohet nga mungesa e dialogut dhe përgjegjshmërisë politike. Këto deklarata Meta i ka bërë gjatë takimit me nënsekretarin e shtetit për politikën e jashtme të Italisë Vincenzo Amendola. Ai theksoi se në këtë situatë nevojitet një qasje më evropiane për daljen nga ngërçi aktual politik. Meta shtoi se asnjëherë nuk është vonë për zgjidhje të përgjegjshme dhe gjithëpërfshirëse, që i shërbejnë stabilitetit të vendit dhe hapjes sa më shpejte të negociatave me Bashkimin Evropian. Zyrtari i lartë italian theksoi se Shqipëria mund të mbështetet gjithnjë tek përkrahja e Italisë, si një partner tradicional i qëndrueshëm.
