Presidenti Ilir Meta vazhdon të sulmojë procesin zgjedhor te 30 qershorit, e në mënyrë indirekte edhe mazhorancën e cila i organizoi këto zgjedhje.
Kreu i shtetit poston vazhdimisht që prej të dielës, statuse ironike të cilat kanë qënë në qëndër parregullsi të shfaqura apo të pretenduara në procesin zgjedhor.
Këtë herë, Meta është ndalur tek problematika e KQZ e mospërputhjes së numrit të votuesve të deklaruar si pjesmarrës në zgjedhje me numrin e votave t marrë nga kandidatet për kryetar bashkie.
Duke shfrytëzuar një postim nga një faqe memesh në facebook me gabime ne përllogaritje, Presidenti shkruan:
“ Numërim, jo mbi parimet e shtetit të së drejtës, por mbi progresionin gjeometrik.”.
Meta dhe Rama prej javësh përplasen në distancë me akuza e kundërakuza ndaj njeri-tjetrit, të cilat më së shumti nisën si kundërshti për datën e zgjedhjeve.
Rama i qëndroi stoik zhvillimit të zgjedhjeve me 30 qershor falë edhe mbështetjes së ndërkombëtarëve ndërkohe që Meta nxorri një dekret për zgjedhje me 13 tetor duke mos i njohur votimet e ditës së dielë.
