Meta rizgjidhet kryetar i LSI

Ilir Meta do të vijojë të jetë kryetar i Lëvizjes Socialiste për Integrim. Pas numërimit të votave të mbi 42 mijë anëtarëve, Meta mori mbështetjen e 76% të tyre. Ndërkohë që rivalët e tij, Përparim Spahiu dhe Shezai Rrokaj, morën përkatësisht nga 12% të votave. Rezultatet u publikuan nga drejtuesja e Komisionit Qendror të Zgjedhjeve në LSI, Ornela Muhametaj. Kryetari i LSI-se falënderoi te gjithë anëtaret e kësaj force politike. Nëpërmjet nje mesazhi nga Gjermania ku ndodhet per një vizite zyrtare, Meta vlerësoi se kjo pjesëmarrje konfirmon qartësisht lidhjen e vendosur dhe të qëndrueshme me LSI-në. Ai shprehu bindjen se nga ky proces dhe gjithë LSI-ja ka fituar një nivel të ri të organizimit të saj dhe se në konventën zgjedhore do të diskutohen dhe do të merren vendime të rëndësishme per anëtaret e saj. Ilir Meta drejton LSI-në që prej vjeshtës së vitit 2003, pas shkëputjes së tij dhe disa deputetëve të tjerë nga Partia Socialiste.