Presidenti Ilir Meta reagoi pasi u mbyll procesi i votimit.
Në “Facebook”, Meta e vuri theksin te procesi i numërimit, duke deklaruar se asnjë votë nuk mund të tjetërsohet.
Duke e konsideruar këtë proces zgjedhor historik, Ilir Meta tha se Shqipëria ka dalë e fituar.
“Faleminderit qytetarëve për pjesëmarrjen rekord në këto zgjedhje dhe qytetarinë e treguar! Tani administrimi me integritet të lartë të procesit zgjedhor është sfida më e madhe. Qytetarët të jenë të qetë se asnjë votë nuk mund të tjetërsohet nga askush. Mos u ndikoni nga sondazhet se me ato do qeshni të gjithë. Shqipëria ka fituar me këtë proces historik deri tani. Përgjegjësia e komisionerëve tani dhe e numëruesve, e jashtëzakonshme për përmbylljen dinjitoze të zgjedhjeve. 🇦🇱”