Presidenti i Republikës, Ilir Meta kërkoi nga qeveria që të ketë një vëmendje më të shtuar ndaj kërkesave të fasonerisë.
Këtë të hënë ai priti në një takim Kryetain e Fasonistëve të Bashkuar, Gjergji Gjika për të diskutuar më me detaje për problemet e këtij sektori.
“Z. Gjika theksoi urgjencën e mbështetjes së sektorit fason, që është në një situatë mjaft kritike, si nga kufizimet brenda vendit, ashtu edhe nga tronditjet e tregjeve ndërkombëtare. Gjatë bisedës, theksova se i kam kërkuar qeverisë mbështetje për kërkesat e këtij sektori, dhe se do të vazhdoj të insistoj për një vlerësim sa më të shpejtë, realist dhe praktik, për të evituar kolapsin e sektorit fason dhe për të mbështetur punonjësit, gjithashtu🇦🇱”, shkroi kreu i shtetit në “Facebook”.
Fasoneritë në Krujë u kthyen në vatrën kryesore të të infektuarve.