Kryeministri i Kosovës Ramush Haradinaj, është pritur në një takim të veçantë edhe nga presidenti Meta. Kreu i shtetit shprehu angazhimin e tij në interes të rritjes së njohjeve ndërkombëtare, si edhe forcimit të perspektivës evropiane te Kosovës.
Kreu i shtetit vlerësoi gatishmërinë e kryeministrit Haradinaj dhe qeverisë së re të Kosovës për vazhdimin e dialogut me Serbinë, si një proces pa alternativë dhe në funksion të paqes dhe stabilitetit të rajonit. Po ashtu, presidenti Meta theksoi rëndësinë e bashkëpunimit rajonal, si një element kyç në promovimin e stabilitetit, sigurisë dhe paqes në gjithë rajonin, duke theksuar se procesi i Berlinit është një mundësi e mirë për të rritur bashkëpunimin rajonal.
