Presidenti Ilir Meta ka takuar këtë të premte ministrin e Punëve të Jashtme të Tregtisë së Hungarisë, Péter Szijjártó, i cili ndodhet në një vizitë zyrtare në Shqipëri.
Teksa vlerësoi marrëdhëniet e mira mes dy popujve, ai vuri theksin edhe tek rëndësia e rritjes së bashkëpunimit ekonomik dhe investimeve hungareze në Shqipëri.
Kreu i shtetit e falenderoi për mbështetjen e Hungarisë në rindërtimin e zonave të prekura nga tërmeti në nëntor të vitit 2019, si dhe për ndihmën në përballimin e pandemisë COVID-19.
