Presidenti Ilir Meta ka shprehur ngushëllime për familjen e majorti Klodian Tanushi që humbi jetën në krye të detyrës në Letoni.
Në një postim në “Facebook”, pas homazheve të zhvilluara tek Muzeu Kombëtar në Tiranë, Meta shprehet se rënia në krye të detyrës e Dëshmorit të Atdheut, majorit Klodian Tanushi la pas një dhimbje të madhe.
Meta shprehet se u përul para tij me nderim të thellë e respeket për të gjithë sakrificën që major Tanushi dëshmoi gjatë viteve që shërbeu tek Forcat e Armatosura.
“Rënia në krye të detyrës e Dëshmorit të Atdheut, Major Klodian Tanushi la pas një dhimbje të madhe. Me mirënjohje e respekt u përula sot me nderim të thellë para Tij, për sakrificën sublime dhe kontributin e çmuar që la pas, për patriotizmin, trimërinë dhe ndjenjën e lartë të përgjegjësisë, që dëshmoi mbi 20 vite në Forcat e Armatosura, si dhe gjatë drejtimit të Kontingjentit ushtarak shqiptar në misionin e NATO-s në Letoni. Në këtë ditë të vështirë, ndaj dhimbjen e ngushëllimet më të sinqerta me nënën, babain, bashkëshorten, tre fëmijët e shtrenjtë dhe ushtarakët shqiptarë, për këtë humbje të pazëvendësueshme. Lamtumirë Major Klodian Tanushi! Kujtimi yt do të mbetet i paharruar!
