Presidenti Ilir Meta u shpreh se ka bërë përpjekje të sinqerta për të bashkuar vendin dhe për të zgjidhur krizën.
Megjithatë, ai tha në “Facebook” se tentativat e tij janë hedhur poshtë.
Meta shtoi se tani është koha ku secili aktor merr përgjegjësitë e veta, ndërsa vetë kreu i shtetit deklaroi se do të ketë një lidhje më të veçantë me njerëzit e thjeshtë.
“Përpjekjet e mia të sinqerta dhe transparente për të bashkuar vendin dhe ndërtuar një konsensus gjithpërfshirës mbi axhendën e reformave të integrimit europian të Shqipërisë, për fat të keq u minuan. Tashmë secili aktor le të marrë barrën e përgjegjësive të veta përballë qytetarëve dhe partnerëve europianë. Unë do të kaloj tani më pak kohë me Tiranën politike, dhe do t’i përkushtohem më shumë Shqipërisë së njerëzve të thjeshtë. 🇦🇱”
