Meta: Në 25 prill mund të ketë çdolloj surprize

Presidenti Ilir Meta paralajmëroi se procesi zgjedhor në 25 prill mund të prodhojë surpriza.

Gjatë një konference për gazetarët, kreu i shtetit nuk pranoi të bëjë komente të tjera kur u pyet nëse pas 25 prillit do të shpallë fitues koalicionin apo partinë fituese.

“Të mos paragjykojmë rezultatet e zgjedhjeve, mund të ketë çdo lloj surprize, nuk duhet të ndalojmë surprizat.”

Sa i takon kandidimit të Najada Çomos dhe Luljeta Bozoz nën siglën e PS, Meta u shpreh se mjafton që figurat të jenë më integritet.