Kreu i shtetit Ilir Meta u shpreh i painteresuar për qëndrimin e opozitës parlamentare për reformën zgjedhore.
Ai tha për gazetarët se kjo nuk është çështja e tij, por duhet të rivendoset sa më shpejt legjitimiteti i institucioneve. Meta tha se mezi pret ta firmosë reformën zgjedhore.
“Kjo nuk është cështje e imja si president, e kam përshëndetur në kohë, futja e elementit biometrik që garanton se një qytetar voton vetëm një herë. Kjo marrëveshje e sforcuar. Mos harrojmë që në 2008 unë dhe disa kolegë të tjerë kemi bërë një grevë një javë në parlament që të mos mbylleshin listat. Por të gjitha nuk janë më kaq të rëndësishme përpara rivendosjes sa më të shpejtë të legjitimitetit qoftë sa më bazik të gjithë institucioneve. Kemi probleme imediate, që të mos kemi më këshilla politik, si këshilla popullor para çlirimit, të kemi vetëm një parlament, që politika dhe konsensusi bëhet në parlament. Kjo marrëveshje është meritë e partnerëve tanë. Unë mezi po pres që ajo të vijë këtu dhe unë ta firmos menjëherë.”
