Presidenti Ilir Meta është takuar më ish-kryenegociatoren e Kosovës, Edita Tahiri, e cili i qëndron e palëkundur idesë së saj kundër shkëmbimit të territoreve me Serbinë.
Kreu i shtetit shprehet edhe gjatë këtij takimi kundër shkëmbimit të territoreve, duke theksuar se duhet të forcohet bashkëjetesa midis serbëve dhe shqiptarëve në të dyja shtetet.
“Shumë i lumtur të takoja znj.Edita Tahiri, politikanen e njohur dhe ish-Zv/Kryeministren e Kosovës. Pavarësia e Kosovës dhe konfirmimi i saj nga Gjykata Ndërkombëtare e Drejtësisë, arritje madhore që i shërbyen edhe stabilitetit të rajonit tonë. Përmbyllja e dialogut Kosovë-Serbi duhet të garantojë jo vetëm njohjen reciproke por edhe të forcojë bashkëjetesën midis serbëve e shqiptarëve në të dy shtetet. Vetëm kështu përforcohet e ardhmja evropiane e të dy vendeve dhe e rajonit tonë.”
