Presidenti Ilir Meta ka reaguar pas letrës së 42 deputetëve të Parlamentit Evropian drejtuar presidentit të Francës, Emanuel Macron dhe kryeministrit të Holandës, Mark Rutte, ku i kërkojnë BE-së që të liberalizojë vizat me Kosovën.

Përmes një postimi në “Facebook”, kreu i shtetit ka përshëndetur gjestin e eurodeputetëve, ndërsa shkruan se liberalizimi i vizave për qytetarët e Kosovës, është mëse i merituar, dhe një domosdoshmëri që duhet të ndodhë sa më parë.


“E përshëndes gjestin politik të 42 anëtarëve të Parlamentit Europian, në mbështetje të perspektivës europiane të Kosovës, që rritet dhe forcohet çdo ditë si faktor paqeje dhe stabiliteti në rajon! Liberalizimi i vizave për qytetarët e Kosovës, është mëse i merituar, dhe një domosdoshmëri që duhet të ndodhë sa më parë”, shkruan Meta.

Leave a Reply

Your email address will not be published. Required fields are marked *