Presidenti Ilir Meta ka kujtuar nëpërmjet një postimi në facebook datëlindjen e ikonës së muzikës shqiptare Vaçe Zela.
Sot është ditëlindja e mbretëreshës së përjetshme të këngës shqiptare, Vaçe Zela, Nderi i Kombit, shkruan mes të tjerash Meta në këtë postim.
Për ta bërë edhe më të prekshëm kujtimin e këngëtares së famshme shqiptare, Presidenti meta e ka shoqëruar postimin me një video të Vaçe Zelës teksa interpretonte një nga këngët e saj.
Vepra dhe trashëgimia e saj e pasur flet më shumë se çdo gjë tjetër.
Ndaj dëshiroj t’i përshëndes të gjithë shqiptarët me një nga perlat e saj!
I përjetshëm kujtimi i kësaj koloseje të këngës dhe kulturës shqiptare!