Presidenti Ilir Meta drejtoi një apel për komisionerët e numëruesit e votave, gjatë intervistës që dha për “Zgjedhje 2021” në “Vizion Plus”.
Meta tha se e njëjta qetësi duhet të shoqërojë edhe procesin e numërimit të votave dhe të shmangen tensionet.
“Deri në orën 19.00 do të jetë një sukses i jashtëzakonshëm, por duhet të vijojë edhe pas orës 19.00. Kjo ditë nuk duhet të mbarojë edhe natën, duhet të ketë dritë, transparencë, përqendrim për komisionerët, për numëruesit, ata kanë një përgjegjësi shumë të madhe që të mos krijohet asnjë tension i panevojshëm, të respektohet vota e gjithësecilit, të mbrohet integriteti i procesit. Asnjë kuti nuk duhet të dëmtohet, asnjë fletë nuk duhet hedhur tepër, asnjë person nuk duhet të votojë dy herë. Askush nuk duhet të shkojë dhe të tutelojë votuesit, secili duhet të votojë i lirë, jashtë çdo ndikimi. Jemi në rrugën e duhur, të vazhdojmë në këtë drejtim të gjithë së bashku, të hapim një faqe të re për Shqipërinë. Vullneti isovranit të jetë i plotë dhe i pacenueshëm.”
