Meta ironizon: Ja shpjegimi shkencor si u shumuan votat e 30 qershorit!
Presidenti Ilir Meta nuk ndalon së ironizuari numërimin e votave për zgjedhjet e 30 qershorit.
Këtë të dielë kreu i shtetit përmes një postimi në Facebook, ka shpërndarë një koment të një qytetari, ku Meta përmes tij i jep “shpjegim shkencor” shumimit të votave në kutinë e numërimit.
Qytetari i identifikuar si Soni Dako ironizon numërimin duke thënë se: “kanë bërë seks votat me njëra-tjetrën brenda kutive të votimit dhe janë shumuar”.
Ndërkohë presidenti Meta duke e lidhur me komentin e tij kërkon nga qytetarët të gjejnë një shpjegim shkencor të shumimit të votave mbi numrin e pjesëmarrësve.
“Të dashur miq! Duke ju uruar një të diele sa më relaksuese e çlodhëse ju ftoj të gjithëve të gjeni një shpjegim shkencor të shumimit të votave mbi numrin e pjesëmarrësve të votimeve të 30 qershorit!””.
