Presidenti Meta vazhdoi retorikën e ashpër dhe sulmet ndaj kryeministrit Rama, këtë radhë nga Kopliku ku mori pjesë në ceremoninë solemne të përkujtimit të 100-vjetorit të Luftës së Koplikut dhe nderimit të jetës, veprës dhe heroizmit të 77 Dëshmorëve të Atdheut të rënë për lirinë e trojeve shqiptar.
Sipas kreut të shtetit kjo qeveri nuk ka legjitimitet.
Dje ishte Asambleja e LSI, se vetëm për LSI u fol. Kryeministri dhe kreu i PS, ka deklaruar se takon skutave njerëz me rekorde kriminale që ndiqen nga OFL dhe u kërkon angazhime për vota. Tani unë i bëra letër Asamblesë, jo zotërisë, ai ti japë llogari asamblesë, dhe ti thotë shqiptarëve: Kë ka takuar Presidenti skutave, ku e ka takuar vendin dhe ditën.Qeveria është rrëzuar prej kohësh, po ju ose nuk e shikoni ose nuk doni. Qeveria ka rrëzuar veten dhe ka zero legjitimitet për sa kohë shkatërron procesin zgjedhor dhe i vë kazmën marrëveshjes së 5 qershorit .
Meta shtoi se asnjëherë nuk ka qenë njësh me politikën e opozitës. Ai pati edhe disa pyetjeve për mazhorancën.
Presidenti ka qënë është e do të jetë i popullit, interesit kombëtar i kushtetutës. Thonë se po e dëmton Shqipërinë jashtë, kam një pyetje për ju ? Kush i ka cuar cështjet në Venecia? Presidenti apo pseudomaxhoranca? Menduan se do blejnë edhe një opinion gjysmak, edhe për të rrëmbyer të vetmin institucion të popullit shqiptar. Pse janë kundër 5 qershorit? Psë janë për bllokimin e çeljes së negociatave? A ka ndryshuar gjë programi i PS? Pse vënë në diskutim sovranitetin e Kosovës? Me deklarata të komanduara të tij, se do kemi në pak vite një president të përbashkët, që do të thotë s’ ka nevojë të kemi më Kosovë të pavarur.
