Presidenti Ilir Meta, duke shpërndarë foto nga protesta e sotme në Tiranë, dënoi rastet e abuzimit seksual.
Ai deklaroi mbështetjen e tij për protestat qytetare, duke theksuar se çdo rast përdhunimi duhet të ndëshkohet ligjërisht.
“Dënoj me forcë rastet e fundit të abuzimit seksual të vajzave në Shqipëri dhe solidarizohem në mbështetje të protestave qytetare kundër këtij krimi, që meriton ndëshkim të rëndë ligjor.”
Qytetarët e Tiranës u organizuan në protestë këtë të diel, duke e nisur marshimin nga sheshi “Nënë Tereza”.