Meta fton në takim Ramën e Bashën: Ejani diskutojmë për datën zgjedhjeve
Meta fton në takim Ramën: Eja diskutojmë për datën zgjedhjeve
Presidenti Ilir Meta i bëri ftesë kryeministrit Edi Rama, në cilësinë e kryetarit të PS, të takohen për të diskutuar për datën e zgjedhjeve të vitit 2020. Përmes një letre të nisur Sekretarit të Përgjithshëm të PS, Taulant Balla, Meta shprehet se është momenti të nisin konsultimet. Takimin kreu i shtetit e kërkon në të premten.
“Presidenti i Republikës, Sh. T. Z. Ilir Meta, në mbështetje të kompetencave të tij kushtetuese, neni 92, germa “gj”, pas jhyrjes në fuqi të ndryshimeve konsensuale në Kodin Zgjedhor të miratuara me ligjin nr. 101/ 2020, si edhe në vijim të traditës së mirë, ka vendosur nisjen e procesit të konsultimeve me partitë politike me qëllim caktimin e datës së zgjedhjeve të ardhshme për Kuvendin e Republikës së Shqipërisë. Për këtë, Presidenti i Republikës fton në takim ditën e premte, datë 04.09.2020, ora 11.00, pranë Instituticionit të Presidentit të Republikës, Kryetarin e Partisë Socialiste, z. Edi Rama dhe/apo persona të tjerë të autorizuar prej tij.”
Një letër Meta i nisur edhe Sekretarit të Përgjithshëm të PD, Gazment Bardhi. Aty presidenti fton kryedemokratin Lulzim Basha në takim. Takimi pritet të mbahet po të premten, në orën 12.00.
