Presidenti Ilir Meta ka dekretuar këtë të premte, Sandër Lleshaj si ministër të Brendshëm.
Vendimi për dekretimin e Lleshaj erdhi pas më shumë se dy javësh debate mes dy institucioneve, Kryeministrisë dhe Presidencës.
Kreu i shtetit fillimisht e kishte emrin e Lleshajt si pasues të Fatmir Xhafës në Ministrinë e Brendshme, por shefi i qeverisë Edi Rama ridërguar sërish për dekretim emrin e tij.
Ndërkohë më herët kreu i shtetit ka dekretuar lirimin e Sandër Lleshit nga grada Gjeneral, kërkesë e ardhur nga vetë ky i fundit.
Ndërkohë tashmë pas kësaj procedurë, Sandër Lleshaj do të bëjë betimin në Parlament.
Më poshtë vendimi i Metës i publikuar në faqen e Presidencës:
“16 Nëntor 2018, Presidenti Meta dekreton emërimin e Sandër Lleshaj Ministër i Brendshëm
D E K R E T PËR EMËRIM MINISTRI
Në mbështetje të nenit 93 dhe 98, pika 1 të Kushtetutës, me propozim të Kryeministrit nr. 5211 prot., datë 09.11.2018,
D e k r e t o j:
Neni 1
Zotin Sandër Lleshaj, emërohet Ministër i Brendshëm.
Neni 2
Ky dekret hyn në fuqi menjëherë.
Nr. Dekreti 10957
Tiranë, më 16.11.2018.
PRESIDENTI I REPUBLIKËS
ILIR META”