Presidenti Ilir Meta ka zhvilluar këtë të premte një bisedë telefonike me homologun e tij të Kosovës, Hashim Thaçi.
Kreu i shtetit ka bërë me dije së ata diskutuan për gjendje aktuale të pandemisë dhe për masat e marra nga të dyja vendet për përballimin e krizës shëndetësore dhe ekonomike.
Meta theksoi që shprehën vullnetin e përbashkët për t’u koordinuar dhe shkëmbyer ngushtësisht përvojat për tejkalimin e situatës së COVID-19.
“Kënaqësi të zhvilloja sot një bisedë telefonike me Presidentin e Republikës së Kosovës, z. Hashim Thaçi.
Diskutuam mbi gjendjen aktuale dhe masat e marra nga të dyja shtetet për përballimin me sukses të krizës shëndetësore dhe social-ekonomike të krijuar nga pandemia COVID-19. Shprehëm vullnetin që në frymën e solidaritetit mbarëkombëtar dhe bashkëpunimit rajonal, të dyja shtetet të koordinohen dhe të shkëmbejnë ngushtësisht përvojat për tejkalimin e shpejtë të situatës së vështirë në interes të mbrojtjes së shëndetit të qytetarëve.”
