Meta “bekon” kombëtaren para Lojërave Mesdhetare
Presidenti Meta i dorëzoi Flamurin Kombëtar ekipit shqiptar, pjesëmarrës në Lojrat Mesdhetare “Tarragona 2018”, që do të mbahen në Spanjë nga fundi i këtij muaji deri në ditët e para te korrikut.
Flamurmbajtësi i Shqipërisë në këtë aktivitet të rëndësishëmd do të jetë kampioni i Ballkanit dhe Evropës në kërcimin së gjati, atletit Izmir Smajlaj.
Në fjalën e tij para ekipit kombëtar, Meta i uroi suksese sportistëve në garat dhe ndeshjet ku do të garojnë.
“Sporti është një element i çmuar që na ndihmon në rritjen e identitetit kombëtar, për të qenë sportistë të mirë dhe qytetarë të devotshëm. Suksese dhe përfaqësim sa më dinjitoz të ngjyrave kuq e zi e flamurit kombëtar në Lojërat Mesdhetare “Tarragona 2018” në Spanjë.Uroj që sportistët që përfaqësojnë ekipin e Shqipërisë të arrijnë rezultate të larta e sa më shumë medalje në këtë Vit Mbarëkombëtar të Skënderbeut.”
Ndërkohe Izmir Smajlaj në fjalën e tij të rastit në këtë ceremoni tha se për të është Nder dhe krenari mbajtja e flamurit kombëtar, teksa premtoi se sportistët do të japin më të mirën për të marrë sa më shumë medalje në Lojërat Mesdhetare.
