Ambasada izraelite në Argjentinë bëri të ditur se miqësorja që duhej të zhvillohej ditën e shtunë mes Izraelit dhe Argjentinës është anulluar për shkak të kërcënimeve me vdekje që ka marrë Leo Messi.
Ministri i Jashtëm i Argjentinës Jorge Faurie bëri të ditur se lojtarët e përfaqësueses së bashku me trajneri Sampaoli ishin bërë gati për tu nisur për në Izrael kur u mor vendimi për të mos e bërë këtë gjë për shkak të kërcënimeve që kishte marrë kapiteni I skuadrës Leo Messi.
Për pasojë kombëtarja e Argjentinës preferoi të qëndroi në Barcelonë për përgatitjet e fundit para udhëtimit për në Rusi.
Të dielën, presidenti I federatës palestinezë Jibril Rajoub I kishte bërë thirrje Messit që të mos luante në Jeruzalem në miqësore kundër Izraelit duke I kërkuar të gjithë fansave te “pleshtit” në Palestinë që të digjnin fanelën me emrin e tij nëse 5 herë fituesi I Topit të Art, do të ishte në fushë në këtë test miqësor. Kësisoj tashmë pas anullimit të ndeshjes, kreu I federatës palestineze tha se ky është një lajm I mirë pasi Izraeli nuk do të mund ta përdore futbollin për qëllime politike.
Ministri izraelit I Sportit pohoi se në ditët e fundit grupe terroriste palestinezë kishin bërë cmos që miqësorja të mos luhej duke kërcënuar lojtarët e Argjentinës dhe familjet e tyre.
Ndërkohe Ministri i Mbrojtjes i Izraelit, Avigdor Lieberman nëpërmjet një postimi në tëitter sulmoi argjentinasit duke e konsideruar një veprim të turpshëm, vendimin për të mos udhëtuar në Jeruzalem për këtë ndeshje.
