Nje supergol i Lionel Messit i dha fitoren Barcelonës në javën e 21 te La Ligës në fushën e Malages dhe për pasojë edhe kryesimin e përkohshëm të kampionatit në pritje të ndeshjes që Atletiko Madrid do të ketë të diele kundër Sevilles. Katalanasit mundën 1 me 2 në transferte skuadrën e trajnerit Havi Garsia në një sfide me shumë episode, ku të zotët e shtëpisë iu përgjigjen mjaft mirë lojës së skuadrës Blaugrana. Në “La rosaleda” ishte zëvendësi i Nejmar, talenti i akademisë Munir Al Hadadai që zhbllokoi rezultatin për skuadrën e Luis Enrikes shumë shpejt që në minutën e 2. Malaga beri një pjesë të parë shumë të mirë teksa në minutën e 14 vetëm shtylla dhe portieri Bravo ndalen goditje e Kastros. Megjithatë barazimi do të mbërrinte në minutën e 32 me autor Juanpi, i cili përfitoi edhe nga një përgjumja e mbrojtjes mike. Për t’i dhënë fitoren Barcelonës mendoi 5 here fituesi i topit të artë, i zakonshmi Messi që edhe këtë herë nxori nga repertori i tij një goditje fantastike në akrobaci me të majtën Brenda zonës. Ky ishte goli i 11 në këtë kampionat për argjentinasin i cili pati shanse të tjera për ta thelluar avantazhin e miqve.
Por nëse Messi dhe Barcelona argëtohen, tek Reali i Madridit problemet pavarësisht shkarkimit të trajnerit Benitez janë evidente. Në qendër të polemikave është ylli i skuadrës Kristiao Ronaldo i cili ka irrituar presidentin Perez me udhëtimet e tij të shpeshta në Marok, ku shihet në shoqëri të mikut të tij të ngushte kampionit të kikboksit Badr Hari. Perez i ka ndaluar Ronaldos që të mos kryeje me vizita ne Marok, duke hapur sipas mediave spanjoll skenar të mundshëm merkatoje rreth yllit portugez.
