Prej 3 ditësh, që prej fillimit të vitit të ri akademik, Universiteti “Fan Noli” në Korçë, nuk ka vijuar me mësimin online, pasi vendimi për të zhvilluar mësim online të paktën për një muaj e gjeti të papërgatitur këtë universitet.

Ndryshe nga qytetet e tjera, Korça ka qenë një ndër të vetmet në Shqipëri që do të zhvillonte mësimin me auditore. Kjo ka bërë që platforma online të ishte në plan të dytë për Universitetin.

Ende nuk bëhet me dije se sa studentë janë regjistruar dhe sa të tjerë kanë shkarkuar aplikacionin online.

Burime të siguruara bëjnë me dije se përfaqësues të forumit kanë patur takime edhe me dekanë të ndryshëm, ndërkohë që janë në pritje edhe të një takimi me rektorin e universitetit për të parë sa është numri i studentëve që nuk kanë mundësi ekonomike për të zhvilluar mësimin online.

Leave a Reply

Your email address will not be published.