Marrja e një doze të lartë viagre për herë të parë mund të rezultojë problematike për meshkujt. Mjekët kanë paralajmëruar se ata mund të kenë probleme me shikimin, gjë që zgjat përkohësisht.
Paralajmërimi erdhi nga mjekët në Turqi, të cilët raportuan se disa pacientë ishin shfaqur në spital me probleme me shikimin pasi kishin përdorur viagra në doza të larta. Një prej mjekëve pranoi se humbja e papritur e shikimit në një ose të dy sytë është një efekt anësor i rrallë i ilaçit.
Sipas doktorëve, nëse dikush nuk ka marrë kurrë më parë viagra, trupi i tij nuk është mësuar me tretjen e këtij ilaçi. Dhe në momentin që një burrë e merr atë në dozë të madhe, atëherë i shton punë trupit të tij.
